Kryeministri i vendit, njëherit edhe kryetari I LVV-së, Albin Kurti ka uruar Memli Krasniqin për pozitën e kryetarit të PDK-së.
Kurti thotë se me këtë mbështetje që mori Memli i garantojnë udhëheqje stabile për t’i zhvilluar reformat që mendon se janë të nevojshme për PDK-në.
Postimi:
I uroj punë të mbarë kryetarit të ri të PDK-së, z. Memli Krasniqi.
Mbështetjen që e mori sot nga strukturat e subjektit të tij i garantojnë një udhëheqje stabile për t’i zhvilluar reformat që mendon se janë të nevojshme për PDK-se.
Si kryeministër i Kosovës dhe kryetar i Lëvizjes i ofroj bashkëpunim në temat me interes nacional dhe ballafaqim të ideve e qëndrimeve për të mirën e përbashkët të shtetit dhe qytetarëve.
Të punosh për Kosovën e kombin tonë nuk është kurrë mjaftueshëm dhe e kemi obligim secili.
