Në mbledhjen e sotme të Kuvendit Komunal të Malishevës, me shumicë votash është miratuar projektbuxheti i Komunës së Malishevës për vitet 2022-2024, me theks të veçantë për vitin 2022, në vlerë prej 15,655,757 €, që krahasuar me vitin e kaluar është rreth 755 mijë euro më i lartë.
Bëhet e ditur se kryetari i Komunës së Malishevës, Ekrem Kastrati, i ka falënderuar gjithë anëtarët e Kuvendit Komunal që përkrahën miratimin e këtij projektbuxheti, i cili, sipas tij, për synim ka fillimin e realizimit të projektit për Malishevën Urbane dhe përkrahjen e gjithë sektorëve tjerë, konkretisht projekteve tjera me interes të përgjithshëm qytetarë.