Kuvendi Komunal i Prizrenit, ka miratuar të mërkurën propozimin e Ministrisë së Punëve të Jashtme të Kosovës, që të shpallet Sheik Abdullah Bin Zajed, qytetar nderi i Prizrenit.
Kryetari i Prizrenit, Ramadan Muja,tha se ky propozim ka motivacion kontributin e sheikut Abdullah për angazhimet që ka bërë për të njohur shtetin e Kosovës shumë shtete të botës.
Ndërkaq, kuvendarët e Lëvizjes Vetëvendosje! kanë kërkuar që të dijnë se cili ka qenë kontributi për qytetin e Prizrenit, i ministrit të Punëve të Jashtme të Emirateve të Bashkuara, Sheik Abdullah Bin Zajed.
Me 29 vota për,2 kundër dhe 2 abstenime,është miratuar propozimi që ministri i Punëve të Jashtme të Emirateve të Bashkuara, Sheik Abdullah Bin Zajed, të shpallet qytetar nderi i Prizrenit./PrizrenPress.com/