Sulmuesi i PSG-së Kylian Mbappe ka refuzuar edhe të hyjë në negociata me përfaqësuesit e klubit nga Arabia Saudite, Al Hilal, të cilët morën leje nga gjiganti francez.
Al Hilal këtë javë ofroi 300 milionë euro për francezin, me PSG-në që ishte e gatshme ta pranonte ofertën dhe i dha leje për të nisur negociatat me yllin francez.
Sidoqoftë, siç raporton “L’Equipe”, Mbappe nuk ka pranuar as të diskutojë me Al Hilal sepse nuk e sheh të ardhmen e tij në Arabinë Saudite.
“The Times” raporton se Mbappe ende i qëndron pas planit për të vazhduar edhe një vit me PSG-në, pastaj të largohet si agjent i lirë pasi thuhet se ka një marrëveshje verbale me Real Madridin.
Francezi nuk e ka konsideruar Arabinë Saudite për asnjë moment si opsion të mundshëm, duke e lënë të hapur opsion e largimit vetëm për “Los Blancos”.
Ky vendim padyshim do t’i shkaktojë ‘kokëdhimbje’ PSG-së të cilët nuk e ftuan fare për fazën parapërgatitore në Japoni dhe Korenë e Jugut.
Sidoqoftë, PSG mbetet i qëndrimit të njëjtë: Pra ta shesin sa më parë Kylian Mbappen që të mos e humbasin si agjent të lirë vitin tjetër.