13.8 C
Prizren
E martë, 21 Mars, 2023

Lajm i keq për Kosovën: Megjithatë, Vedat Muriqi mungon ndaj Maqedonisë së Veriut

Ylli i përfaqësueses së Kosovës, Vedat Muriqi, megjithatë do të mungojë në sfidën ndaj Maqedonisë së Veriut.

Këtë e ka konfirmuar Federata e Futbollit të Kosovës përmes një njoftimi në uebfaqen e saj.

FFK thotë se testet e sotme e treguan qartë se gjendja fizike nuk e lejon atë që në asnjë formë të jetë pranë bashkëlojtarëve të ekipit Kombëtar, shkruan Reporteri.net.

Njoftimi i FFK-së:

Përkundër insistimit të madh të Federatës së Futbollit të Kosovës, dëshirës së madhe të futbollistit dhe bashkëpunimit korrekt të klubit të Lazios, Vedat Muriqi megjithatë e ka të pamundshme të paraqitet për Kombëtaren e Kosovës në tri ndeshjet në vijim.

Futbollisti ka pasur sot testet e fundit në klubin e Lazios dhe në kokën e tij gjithçka ishte e qartë që pas këtyre testeve ai do të nisej për Kosovë.

Mirëpo, në testin e fundit u kuptua edhe njëherë definitivisht që nuk ka asnjë gjasë që ai të jetë i gatshëm qoftë për ndeshjen e së enjtes kundër Maqedonisë së Veriut, qoftë për dy ndeshjet pasuese që Kombëtarja jonë i zhvillon në kuadër të Ligës së Kombeve.

Informata që ka rrjedhur në faqen zyrtare të Lazios, se futbollisti do të jetë në grumbullim me Kombëtaren edhe pse është një gabim, e konfirmon që gjithçka ishte planifikuar që Muriqi sot të udhëtojë për Kosovë dhe të jetë me ekipin, mirëpo testet e sotme e treguan qartë se gjendja fizike nuk e lejon atë që në asnjë formë të jetë pranë bashkëlojtarëve të ekipit Kombëtar.

Më Shumë

Romelu Lukaku do të kthehet te Chelsea këtë verë

Romelu Lukaku do të kthehet te Chelsea këtë verë, ka konfirmuar Giuseppe Marotta, drejtori menaxhues i Inter-it. Belgu u dërgua në huazim te ish-klubi i...

Të paktën 6000 fëmijë ukrainas gjenden në kampet ruse

Të paktën gjashtë mijë fëmijë ukrainas janë mbajtur në të paktën 43 kampe ruse në shtetin ukrainas, sipas një raporti amerikan. Studiuesit e Universitetit Yale...

Lajmet e Fundit