Deputetët e Kuvendit të Kosovës nga radhët e Partisë Demokratike të Kosovës, Latif Gashi dhe Rrustem Mustafa sot e kanë dorëzuar mandatin e deputetit të Kuvendit të Kosovës.
Para pak çasteve lajmin e ka konfirmuar për “Epokën e re” vetë Latif Gashi.
“Po është e vërtetë se e kam dorëzuar mandatin për shkak të procesit gjyqësor dhe duke i respektuar interesat e vendit. Mendoj se pas konfirmimit të atij dënimi, duhet të jem vetëm qytetar i lirë dhe jo deputet dhe kështu t’i kërkoj të drejtat e mia më tutje”, ka deklaruar Gashi, duke konfirmuar se të njëjtin veprim e ka bërë edhe Mustafa.