Dega e Lidhjes Demokratike të Kosovës në Malishevë ka organizuar takim me banorët e fshatit Gurbardh të Malishevës.
Kandidati i LDK-së për kryetar të Komunës së Malishevës, Salih Morina tha se do të angazhohet për një qeverisje të drejtë.
“Si kryetar Komune do të angazhohem për një qeverisje të drejtë, për zhvillim ekonomik dhe mirëqenje sociale, arsim kualitativ”, tha Morina, duke ju premtuar banorëve të fshatit Gurbardh se të gjitha prioritetet e paraqitura nga ata do ta ken përkrahjen nga ai dhe do të realizohen në mandatin e tij qeverisës.
Ndërkaq, kryetari i Degës së LDK-së në Malishevë, Januz Kastrati, tha se LDK-ja në Malishevë do t’i fitojë zgjedhjet lokale në krye me kandidatin e saj Salih Morina. Ai bëri thirrje që të mobilizohen dhe të dalin në zgjedhje sepse në këtë mënyrë fitorja e LDK-së do të jet e thell dhe pa balotazh.
Kurse, kryetari i nëndegës së LDK-së në Gurbardh, Haxhi Berisha, njëherit edhe kandidat për asamble komunale, shpalosi para të pranishmëve objektivat dhe prioritetet e nëndegës së LDK-së në Gurbardh./PrizrenPress.com/