Katër emra janë propozuar për kryetar të Prizrenit.
Hatim Baxhaku, Valdet Hoxha, Driton Selmanj dhe Venera Goxha, janë emrat që do të dërgohen për shqyrtim te lideri i LDK-së, Isa Mustafa.
Vendimi është marrë sot në mbledhjen me nëndegët e LDK-së në Prizren.
Burimet e “PrizrenPress”-it bëjnë të ditur se anëtarët e Kryesisë dhe kryetarët e nëndegëve kanë ra dakord që të mbështesin cilindo kandidatë që vendosë Këshilli i Përgjithshëm i LDK-së në Prishtinë.
“Me propozimet e dala nga dega, duket që KP i LDK-së dhe Kryesia qendrore do ta ketë më lehtë të identifikojë kandidatin me gjasat me të mëdha për rikthimin e Prizrenit”, tregon burimi brenda LDK-së në Prizren.
Dr. Hatim Baxhaku është propozuar nga Kryesia e Degës së LDK-së në Prizren.
Nëndega e lagjes “Ortokoll”, ndërkaq ka propozuar për kryetar të Prizrenit, Valdet Hoxha, i cili në Qeverinë e Isa
Mustafës, ka mbajtur postin e zëvendësministrit të Ministrisë së Punëve të Brendshme.
Driton Selmanaj, është propozuar nga nëndega e lagjes “Bajram Curri”.
Në këtë takim është propozuar për kandidate edhe Venera Goxha.
“ LDK-ja është e intersuar që ta rikthej Prizrenin, prandaj unanimisht jemi pajtuar që të mbështesim cilindo emër për kryetar të Komunës”./PrizrenPress.com/