19.8 C
Prizren
E shtunë, 22 Qershor, 2024

LDK-ja shpreson te Zafiri

Haziz HodajKoalicioni AAK-LDD me PDK-në, ia ka ngushtuar hapësirën e veprimit LDK-së. Shpresë e vetme e këtij subjekti politik ka mbetur BD-ja e Zafir Berishës.

“Pa dyshim se opsioni kryesor për ne mbetet BD-ja “, ka thënë për KD-në, Haziz Hodaj nga LDK-ja.Sipas tij, kontaktet vazhdojnë edhe me subjektet e tjera politike, që kanë siguruar ulëse në Kuvend për të siguruar një bllok tjetër.

“Po bëjmë përpjekje të krijojmë një bllok tjetër që është më cilësor”, tha ai. Hodaj kërkon nga qytetarët që në balotazh të tregohen më sy qelë dhe ‘të votojnë kundër koalicionit me bagazh negativ’. “Këtë koalicion e konsideroj shkrirje e AAK-LDD në PDK”.

Ndërkaq Zafir Berisha ende ka dilema se me kënd të hyjë në koalicion. Ai tha se për këtë çështje është duke biseduar me strukturat e partisë, shoqërinë civile dhe intelektualët e Prizrenit. “Me 3 nëntor nuk ka ndodhur ndryshimi”, ka thënë Berisha.

“Në këto momente si plaku Muja dhe Eqa janë të njëjtë”. Në anën tjetër Arbër Rexhaj nga Vetëvendosje! ka dhënë sinjale se kjo lëvizje, do të qëndrojë në opozitë.” “Dhe çfarëdo koalicioni që bëhet tani në mes PDK-së dhe AAK-së është kriminal. Nuk mund të flas për anën tjetër të kriminalitetit ,sepse LDK-ja ende nuk e ka bërë”, ka shkruar ai në Facebook./PrizrenPress.com/

Më Shumë

Lajmet e Fundit