Në bazë të rritjes që ka shënuar në zgjedhjet lokale, Lidhja Demokratike e Kosovës do të dalë fituese në zgjedhjet e 8 qershorit, ndërsa Partia Demokratike e Kosovës do të radhitet e dyta.
Kështu ka vlerësuar analisti Halil Matoshi. Në një prononcim dhënë “Zërit”, sipas Matoshit, partia e tretë në këto zgjedhje do të dalë Aleanca për Ardhmërinë e Kosovës ndërsa e katërta Lëvizja Vetëvendosje.
“Edhe pse nuk është aq shumë e lëvdueshme që të jepen prognoza politike, mirëpo duke e pasur parasysh rritjen që e ka ndodhë në Lidhjen Demokratike të Kosovës në zgjedhjet lokale, ku i ka rikthyer 5 komuna të humbura më parë siç është Peja, Ferizaj, Lipjani, Vitia e Gjilani.
Kështu që duke e pasur parasysh se nga PDK-ja është ndarë fraksioni Krasniqi – Limaj, me gjasa të mira që të kalojnë censusin prej 5 për qind dhe kjo në substancë ia merr PDK-së rreth 25 ose 30 mijë vota. Dhe në këtë situatë unë mendoj se Lidhja Demokratike e Kosovës del e para, kurse PDK-ja mbetet partia e dytë ndërsa AAK-ja e Haradinaj mendoj se do të jetë partia e tretë në vend dhe “Vetëvendosja” e katërta.
“AAK-ja dhe Haradina