25.6 C
Prizren
E premte, 11 Korrik, 2025

Lihen pa ‘emra’ dëshmorët e Mamushës

Asnjë dërrasë me emër nuk i është vënë në krye të varrit. Në varrezat e Mamushës prehen katër të rinj që u vranë gjatë luftës nga forcat serbe, dy prej tyre të shpallur dëshmorë. Familja nuk ka mundësi financiare t’ua rregullojë varret, institucionet nuk i kanë përkrahur e as nuk i kanë ndërtuar varret

Kanë kaluar 17 vjet nga vrasja e katër të rinjve shqiptarë nga forcat policore serbe në Mamushë dhe ende mbi varrin e tyre nuk ka as emër. Asnjë shenjë se aty ka varrë nuk shihet dhe varret po rrezikojnë të zhduken.

Aty prehen ata që ndihmuan UÇK-në duke u dërguar ushqim, veshmbathje…, në njësitin e vendosur në fshatin Budakovë. Varret gjenden pranë gjyshit dhe gjyshes së tyre dhe identifikohen sipas renditjes që janë varrosur gjatë luftës, kur babait të tyre Bajram Sadikut i është dhënë vetëm një orë afat t’i varroste tre nga të vrarët që ishin djemtë e tij, si dhe djalin e vëllait.

Katër varre u hapën shpejt dhe trupat e tyre u varrosën në shpejtësi të mbështjellë me batanije, ashtu edhe siç ishin nxjerrë nga podrumi i shtëpisë së tyre, ku u gjetën të vrarë trupat e tyre pas tri ditësh që dhunshëm u ndanë nga familja, derisa familjarët që u dëbuan nga shtëpia tregojnë historinë rrëqethëse sesi i vranë tre vëllezërit/zeri/

Më Shumë

27 vjet nga rënia heroike e Ylber dhe Albrim Fanajt – bëhen homazhe në Landovicë

Në përvjetorin e 27-të të rënies heroike të dëshmorëve të Ushtrisë Çlirimtare të Kosovës, Ylber dhe Albrim Fanaj, sot janë zhvilluar homazhe përkujtimore në...

Ekrem Kastrati kandidon sërish për kryetar të Malishevës

Ekrem Kastrati, kryetar i Malishevës, ka konfirmuar se do të kandidojë sërish në zgjedhjet lokale që do të mbahen më 2 tetor. Këtë e bëri...

Lajmet e Fundit