Kryetari i Kryesisë së NISMA për Kosovën, Fatmir Limaj së bashku me kryetarin e Komunës së Malishevës, Ragip Begaj dhe kandidatët për deputetë nga NISMA për Kosovën në Malishevë, u takuan sot me intelektualët e Malishevës, të cilët i njoftuan me alternativën që ofron Nisma për Kosovën.
“Ne, nuk duam një demokraci të këtillë, duam një shtet demokratik sepse dhe institucionet e vendit janë në ngërç politik, duke u udhëhequr nga një grup i caktuar. Po dëgjojmë premtime marramendëse, mirëpo, me këto premtime nuk mashtrohet qytetari i vendit”, u tha të pranishmëve Limaj.
Sipas Limajt, “pavarësisht bindjeve politike, askush nuk guxon askënd ta largoj nga vendi i punës”.
“Jemi vend demokratik, votojmë si të dëshirojmë, mirëpo jo me kushtëzime, dhe këtë Nisma nuk e ka praktikuar, e nuk do ta bëj kurrë. Kur është vullneti për të ndryshuar, s’ka asnjë fuqi që mund ta ndërrojë”, tha Limaj.
I pari i Nismës mbështeti kandidatët për deputetë që kandidojnë nga komuna e Malishevës, duke u thënë se do të jenë shpresë për vendin tonë.
Ndërsa kryetari i Komunës së Malishevës, Ragip Begaj tha se inciativa ka nevojë për shtrirje në gjithë vendin, jo vetëm në Malishevë.
“Ne e bëmë një inciativë që premtuam dhe po i realizojmë si në shkolla, si në rrugë dhe shumë fusha të tjera. NISMA ka nisë me kërkesën e juaj dhe do të shtrihet në tërë vendin sepse ju keni dëshiruar, u tha të pranishmëve, Begaj. /PrizrenPress.com/