7.8 C
Prizren
E mërkurë, 21 Shkurt, 2024

Limaj nesër bën publike rrugën e tij politike

FatmirLimaj-lirimiFatmir Limaj të hënën do të mbajë një tubim me qytetarë, në Palestrën Sportive në Malishevë. Një ditë më parë, tha se patjetër do t’i kthehet politikës. Së shpejti pritet ta bëjë publik qëndrimin nëse do të vazhdojë me PDK-në, apo do t’i thotë lamtumirë.

Një javë pas lirimit nga akuzat që e ngarkonin për krime lufte, Fatmir Limaj do të shfaqet para qytetarëve, në një tubim të organizuar në vendlindjen e tij – nga ku mendohet se mund të nisë e ardhmja e tij politike.

Ai do të marrë pjesë në një tubim të organizuar në Sallën e Sporteve në Malishevë, të hënën, në orën 12:00.

“Dua t’ju njoftoj se me kënaqësi do t’i përgjigjem ftesës së qytetarëve të Malishevës në tubimin që ata kanë paraparë”, ka shkruar Limaj në Facebook, transmeton Lajmi.net

“Për një kohë të gjatë më ka munguar komunikimi me qytetarët. Do ta kem kënaqësinë që tani t’u drejtohem me një fjalim të gjithë atyre që u kam munguar.”

“Shihemi atje!”, ka shkruar Limaj.

Të shtunën, ndërkaq, ai ka paralajmëruar kthimin në politikë. Komentet i ka bërë në Kleçkë, gjatë pritjes që ka organizuar për qytetarët, vetëm disa ditë pasi u shpall i pafajshëm lidhur me akuzat për krime lufte.

I pyetur për të ardhmen e tij politike, Fatmir Limaj tha se do të jetë aktiv në politikë.

“Patjetër, do ta vazhdoj punën time… te vendi.”

Limaj pritet që së shpejti ta bëjë publik qëndrimin për të ardhmen e tij, nëse do të vazhdojë me PDK-në apo do t’i thotë lamtumirë asaj.

Më Shumë

Një person në Prizren u shkakton dhunë psikike babait, nënës e motrës – arratiset

Babai, nëna dhe motra e kanë raportuar në polici djalin/vëllain, pasi i njëjti dyshohet se duke mos respektuar urdhrat lëshuar nga Gjykata,  ka shkaktuar...

57 vjet nga lindja e Kurt Cobain, artisti që akoma i reziston kohës

57 vjet nga lindja e Kurt Cobain, ndikimi dhe popullariteti i të cilit nuk ka humbur aspak, përkundër që kanë kaluar disa vite që...

Lajmet e Fundit