Skuadra e Lirisë së Prizrenit, përmes një postimi në Facebook, e ka uruar Ballkanin, për titullin e fituar gjatë ditës së sotme.
Suharekasit, tanimë edhe matematikisht, e kanë blinduar pozitën e parë, duke e siguruar kështu trofeun e parë të këtij lloji në historinë e klubit.
Postimi i plotë i KF Liria pa ndërhyrje:
Urime titullin BALLKAN !
KF Liria, me rastin e konfirmimit Kampion të Ballkanit në Superligën e Kosovës, uron KF Ballkanin, simpatizuesit dhe gjithë banorët e Komunës së Suharekës.
Jeni storie e veçant suksesi.
Një model i zhvillimit të klubit nga amatorizmi në klub Kampion. I drejtuar nga njerëz poashtu kampion në biznes, tash të konfirmuar dhe në sport, përkatësisht në futboll.
Arsim Kabashi, është emri që bashkë me qytetin e Suharekës, ngriti klubin në nivele kampionësh.
Fat dhe shumë suksese në arenën ndërkombëtare !
#Urimekampiona