Kryedemokrati Lulzim Basha ka sulmuar LSI-në nga Shkodra ku hapi fushatën elektorale për zgjedhjet e 25 qershorit.
Pasi akuzoi Edi Ramën dhe Partinë Socialiste për korrupsion, tendera e koncesione, Basha përmendi sulmoi LSI-në, duke përmendur edhe shkarkimin nga ministri teknik i Drejtësisë të regjistruesit të ZVRPP Shkodër, Mondi Ndou, që është edhe kandidati i LSI për deputet në këtë qytet.
“Është një parti që nuk mbjell as palma, e ka mendjen vetëm tek tepsia. Janë ata të cilët këtu në hipotekën e Shkodrës e jepnin pronën e gjyshit vetëm po të merrje teserën e LSI-së. Tepsia mori fund, matrapazët morën fund. Sot iku drejtori i Hipotekës, nesër ikën hipoteka e pushtetit. Nuk ka më pazar me partitë e tepsisë”, tha kryetari i PD Lulzim Basha.