10.4 C
Prizren
E premte, 17 Tetor, 2025

Lushnja përkujton një vjetorin e vdekjes së Vaçe Zelës

VaceZela-kengetareNë përkujtim të 1 vjetorit të vdekjes së artistes së njohur, Vaçe Zela, janë kryer homazhe në kinoteatrin e qytetit të Lushnjes, i cili mban edhe emrin e këngëtares.

Familjarë, të afërm, kreu i bashksisë së Lushnjes, Fatos Tushe, nënprefekti, Ilir Dervishi si dhe drejtues të tjerë vendorë kanë marrë pjesë në homazhet për nder të artistes së madhe. Homazheve i janë bashkangjitur qytetarë të shumtë Lushnjar por edhe nga rrethet e tjera, shkruan Shqiptarja.

Zela është nderuar me titullin “Nderi i Kombit” nga presidenti shqiptar, Alfred Moisiu, çmimin “Mikrofoni i Artë” nga Ministria e Kulturës së Kosovës dhe viti 2009 në Shqipëri është shpallur Viti i Vaçe Zeles nga Ministria e Kulturës, Turizmit, Rinisë dhe Sporteve.

Madhështia e saj artistike është njohur dhe vlerësuar edhe në skenën ndërkombëtare, ku Amerika e shpërbleu me çmimin “Disku i Artë”, Kembrixhi i Anglisë e shpalli Gruan e Vitit ’97-98 dhe Instituti Biografik Amerikan e ka renditur artisten ndër 500 njerëzit më me ndikim.

Këngëtarja e njohur ndërroi jetë në moshën 75-vjeçare në shtëpinë e saj në Basel të Zvicrës në 6 shkurt të 2014. Vaçe Zela u lind më 7 prill 1939 në Lushnje dhe ishte aktive në skenën muzikore që nga fëmijëria. Ajo la pas bashkëshortin, Pjetër Rodiqin dhe të bijën Irmën.

Më Shumë

Infografika e D4D-së për Gorozhupin e Prizrenit: Sfida të mëdha, por potencial i lartë për zhvillim rural

Demokracia për Zhvillim (D4D) ka publikuar një infografikë për fshatin Gorozhup të Prizrenit, e cila paraqet sfidat aktuale me të cilat përballet komuniteti, por...

Shaqir Totaj dhe Artan Abrashi do të maten me votë edhe një herë në balotazh

Zgjedhjet lokale në Komunën e Prizrenit kanë përfunduar me një rezultat që çon në raundin e dytë zgjedhor. Kandidati i Partisë Demokratike të Kosovës (PDK),...

Lajmet e Fundit