3.8 C
Prizren
E martë, 29 Nëntor, 2022

Malisheva kthehet te fitoret, mposhtë me rezultat të thellë Feronikelin

Malisheva ka marrë një fitore të madhe në luftën për mbijetesë përballë Feronikelit me rezultat 6-1.

Ishte skuadra mysafire që kaloi e para në epërsi, kur Xhylani realizoi në minutën e 16-të për të kaluar ‘Industrialistët’ në avantazh prej 0-1.

Por në minutën e 43-të rezultati u barazua në 1-1, pasi Mërgim Pefqeli shënoi.

Me rezultatin e barabartë 1-1 skuadrat shkuan në pushim mes pjesëve.

Në pjesën e dytë vendasit ishin dukshëm më të mirë, duke realizuar edhe pesë gola të tjerë.

Ishte sulmuesi Marc-Olivier që realizoi në fillim të pjesës së dytë për 2-1, derisa Agon Xhaka në minutën e 70-të shënoi për 3-1.

Sulmuesi anësorë Ronald Sobowale u përkujdes për ta ngritur epërsinë e Malishevës në 4-1, por i njëjti futbollist realizoi edhe golin e pestë në minutën e 76-të për 5-1.

Krejt në fund të ndeshjes, ishte mesfushori Ilir Mustafa që shënoi për 6-1.

Me këtë fitore Malisheva ngritët në fitoren e shtatë në tabelë me 26 pikë, sa ka edhe Prishtina.

Malisheva edhe ndeshjen e radhës e zhvillon si vendas ku pret Ballkanin, derisa Feronikeli është nikoqir i Prishtinës. /Telegrafi/

Më Shumë

Lionel Messi ‘kërcënohet’ nga boksieri Canelo Alvarez

Canelo Alvarez, kampioni i shumëfishtë i botës në boks, ka kërcënuar në mënyrë sensacionale Lionel Messin pasi ka akuzuar futbollistin legjendar për mosrespektim të...

Haxhi Avdyli qytetarit të Kosovës: Bëhu patriot, mos konsumo produkte serbe

Deputeti i Partisë “Guxo” Haxhi Avdyli ka kërkuar nga qytetarët që të mos konsumojnë produkte serbe, pasi që me këtë sipas tij, ata indirekt...

Lajmet e Fundit