Dy subjektet opozitare AAK-ja dhe Nisma për Kosovën, janë duke i vazhduar aktivitetet e tyre për organizimin e protestës së 14 majit.
Nisma për Kosovën ka mbajtur të enjten një takim mobilizues me kryetarët e nëndegëve dhe me anëtarët e kryesisë së Degës në Malishevë. Qëllimi i këtij takimi ishte mobilizimi për protestën e së shtunës.
Në këtë takim, kryetari Ragip Begaj dhe deputeti Enver Hoti, kanë theksuar se protesta që është thirrur për të shtunën do të jetë e qetë. Ata kanë lutur qytetarët që të mos bien pre e ndonjë provokimi të mundur. Të gjithë të pranishmit në këtë takim i kanë dhenë mbështetje protestës dhe janë zotuar se do të angazhohen edhe gjatë ditëve në vijim për organizimin sa më madhështor të kësaj proteste. (malishevapress)