Sot, në 24 vjetorin e rënies në altarin e lirisë, u përkujtua dëshmori dhe heroi i kombit, dr. Shpëtim Robaj.
Në nderim të jetës dhe veprës së tij, zyrtarë të Komunës së Malishevës kanë bërë homazhe pranë bustit të dr. Shpëtim Robaj, para Qendrës Kryesore të Mjekësisë Familjare në Malishevë, emrin e të cilit e mban me krenari kjo qendër.
Zyra për informim publik nga Komuna e Malishevës njofton se nënkryetari i komunës, Vesel Krasniqi, e ka vlerësuar lartë figurën e dr. Shpëtim Robaj dhe kontributin e tij në luftë, në shërbimin e dhënë për luftëtarët dhe civilët anekënd Kosovës, deri sa edhe ka rënë më 30 shtator të vitit 1998.
