10.7 C
Prizren
E enjte, 18 Shtator, 2025

Mamusha shpërfill kërkesën për shërbim të auditimit të brendshëm

Komuna e Mamushës ende nuk ka ndërmarrë ndonjë veprim për kryerjen e shërbimit të auditimit të brendshëm, ani pse kjo mangësi është evidentuar rregullisht në vitet e fundit nga Zyra Kombëtare e Auditimit.

Një gjë e tillë ka shtyrë edhe monitoruesit nga shoqëria civile që t’i bëjnë thirrje përbërjes së re të Ekzekutivit dhe të Kuvendit të Komunës për të marrë masa adekuate për adresimin e rekomandimeve të Auditorit, në mesin e të cilëve bën pjesë edhe kërkesa për themelimin e Njësisë së auditimit të brendshëm në Komunën e Mamushës, shkruan sot Koha Ditore.

Naim Cahani nga Instituti Demokratik i Kosovës (KDI) ka bërë të ditur se kjo komunë ka marrë vërejtje të theksuara nga Auditori lidhur me menaxhimin e financave publike.” Mosadresimi i rekomandimeve nga autoritetet komunale dhe mungesa e masave të duhura në vazhdimësi ka bërë që Komunës së Mamushës t’i jepen vërejtje të theksuara sa i përket menaxhimit të financave publike nga ana e Zyrës Kombëtare të Auditorit”, ka thënë Cahani. Ai ka pohuar se auditimi i brendshëm është një domosdo në këtë aspekt.

Më Shumë

Ujërat e zeza mbushin bodrumet e banesave sociale në Petrovë të Prizrenit

Banorët e ndërtesës së banimit social në Petrovë të Prizrenit po përballen me një situatë të rëndë që po rrezikon shëndetin e tyre. Prej javësh,...

Grupi legjendar i rock-ut ‘Scorpions’ rikthehet pas 24 vitesh me koncert në Tiranë

Pas më shumë se dy dekadash, legjendat e rokut botëror Scorpions rikthehen në Tiranë për një mbrëmje që premton të shkruajë histori. Në 60-vjetorin e...

Lajmet e Fundit