Manchester United i është kthyer fitoreve furishëm, duke mundur Leicester Cityn, me rezultat 4-1, në javën e gjashtë të Premier Leagues.
Skuadra e Jose Mourinhos pas disa paraqitjeve të dobëta, në duel me kampionët në fuqi, ka rigjetur formën e mirë, transmeton KosovaPress.‘Djajtë e Kuq’ janë treguar ekip shumë i mirë në duel me Leicesterin, duke qenë skuadër dominuese në terren dhe duke shënuar katër gola.
Smalling (22’), Mata (37’), Rashford (40’) dhe Pogba (42’) shënuan nga një gol për fitoren e Unitedit, kurse, golin e nderit për mysafirët e realizoi Gray (60’).Pas kësaj fitore, United ngjitët në vendin e tretë më 12 pikë, kurse, Leicester renditet në pozitën e 12-të më shtatë pikë.