Ministria e Administrimit të Pushtetit Lokal (MAPL) ka vlerësuar se pezullimi i detyrës nga kryetari i Prizrenit, Ramadan Muja ka qenë i jashtëligjshëm. Sipas interpretimit të MAPL-së, Muja duhet të kthehet në vendin e tij të punës brenda një muaj.
Ministria e Administrimit të Pushtetit Lokal (MAPL) në përgjigjen zyrtare sqaron se me detën 21 mars 2014 ka prnaura kërkesën nga nënkryetari i Komunës për dhënien e opinionit ligjor, lidhur me pezullimin e aktiviteteve të Kryetarit të Komunës, deri në shqyrtimin e ankesës së Gjykatës së Apelit të përashtruar nga kryetari i Komunës, ndaj vendimit të Gjykatës Themelore në Prizren.
“Ministria e Administrimit të Pushtetit Lokal, duke u bazuar ne kompetencat dhe përgjegjësit të përcaktuar me nenin 76 të Ligjit nr. 03/L-040 për Vetëqeverisje Lokale, rregulloren nr. 02/2011 për fushat dhe përgjegjësitë administrative të Zyrës së Kryeministrit dhe Ministrive, pas shqyrtimit të kërkesës,pezullimit të aktiviteteve të Kryetarit të Komunës, dhe legjislacionit për vetqeverisje lokale, jep këtë opinion:
-Pezullimi i aktiviteteve të kryetarit të Komunës së Prizrenit, nuk është paraparë me ligjin nr. 03/L-040 për Vetëqeverije Lokale dhe i njëjti veprim nuk prodhon efekt juridik.
-Deri në në vendimin e formës së prerë të Gjykatës kompetente, kryetari i Komunës së Prizrenit, ushtron kompetencat dhe përgjegjësit ashtu siç është paraparë me nenin 58 Ligjin nr. 03/L-040 për Vetëqeverisje Lokale dhe ligjet tjera sektoriale.
-Nëse kryetari i Komunës së Prizrenit nuk paraqitet në punë më shumë se një muaj pa arsye, atëherë përfundon mandatin e kryetarit të Komunës, ashtu siç është përcaktuar në nenin 56.3 pika (e) të Ligjit 03/L-040 për vetëqeverisje Lokale. /PrizrenPress.com/