Boksieri shqiptar, Florian Marku ka dështuar në matjet zyrtare për meçin me Maxim Prodan, që zhvillohet nesër në mbrëmje.
Marku dhe Prodan pritet të luftojnë për titullin e peshave të mesme, por shqiptari nuk ishte në peshën e kërkuar, duke peshuar gati dy kilogramë më tepër.
Florian Markut i mbetet të provojë edhe njëherë veten në matje pas dy orëve, transmeton Gazeta Express.
Prodan ishte në rregull në matje, ndërsa dueli mund të dështojë nëse Marku nuk është brenda peshës së lejuar.