Humbja e Aston Villa-s të premten ndaj Southampton-it, ishte vendimtare për të shkarkuar trajnerin Dean Smith, i cili në pesë ndeshjet e fundit, mori po aq humbje.
Pas shkarkimit të Smith, rolin e kryetrajnerit momentalisht e ka ish-futbollisti i Anglisë, John Terry, i cili ishte ndihmës i trajnerit të posa shkarkuar.
Mirëpo, drejtuesit e klubit nuk i besojnë Terry-t në rolin e menaxherit, për shkak që ai nuk ka përvojë si trajner i parë.
Andaj, sipas gazetës “The Sun” drejtuesit e klubit të Villa-s, kanë dy emra në listë për të marrë drejtimin e skuadrës së tyre.
I pari duket pak sa i vështirë për tu realizuar, pasi që është trajneri i kombëtares së Belgjikës, Roberto Martinez, i cili vështirë së do ta linte skuadrën e tij para Kampionatit Botëror që do të mbahet në fundin e vitit të ardhshëm.
Emri i dytë dhe më lehtë i arritshëm është ai i ish-mesfushorit të Liverpool-it, Steven Gerrard.
Gerrard aktualisht është kryetrajner i ekipit skocez, Rangers, i cili mban këtë pozitë që nga vera e vitit 2018.
Ai gjithashtu po kalon momente shumë të mira në fillimin e karrierës së tij si trajner, pasi që skocezët janë ekipi i parë që Gerrard është duke drejtuar.
Mirëpo, një ofertë joshëse nga klubi i Aston Villa-s, ndoshta do ta bindte ish-mesfushorin e skuadrës së Liverpool-it.
Pra, mbetet të shihet se a do të emërohen njëri nga këta dy në stolin e Aston Villa-s, apo ky rol ro t’i besohet John Terry-t.
/Albanianpost.com