Fotografi të kinotekës më të madhe të fotografisë në Shqipëri, “Marubi”, kanë zënë vend në qytetin antik të Prizrenit.
Ekspozimi i tyre nuk është i zakonshëm, shkruan sot “Koha Ditore”. E as hapësirat ku ato gjenden.
Gjatë ditës së hënë vizitorët kanë mundur të shohin dy prej fotografive të kësaj dinastie, njëra në murin e kino “Lumbardhit” dhe tjetra në Shtëpinë e Kulturës.
Teknika që ka përdorur artisti Ergin Zaloshnja ndryshe njihet si “sticker” apo “adesiv”, një formë letre, e cila ngjitet në mur me vinovil.