15 C
Prizren
E mërkurë, 22 Tetor, 2025

Mazreku: Gjykata Kushtetuese nuk mund ta ndryshojë vullnetin e 65 deputetëve

Avni Mazreku-analistPo e quan të ligjshme dhe të drejtë procedurën e zgjedhjes së kryetarit të Kuvendit të Republikës së Kosovës, përderisa kërkesën e PDK-së për ta dërguar këtë çështje në Gjykatën Kushtetuese po e cilëson si çështje të humbur.

Për analistin e marrëdhënieve ndërkombëtare, Avni Mazreku, është PDK-ja dhe kryesuesja e saj Flora Brovina ajo që ditën e enjte shkelën procedurat dhe Rregulloren e Kuvendit të Kosovës.

Ai beson në vendimin e drejtë të Kushtetuese, jo vetëm për faktin se kjo Gjykatë nuk ka kompetencë të interpretojë rregulloret parlamentare, por edhe për faktin se Kushtetuesja nuk mund të shkelë mbi vullnetin e 65 deputetëve, përfaqësues të zgjedhur nga vota e qytetarëve të Kosovës.

“Legjitimitetin për zgjedhjen e Isa Mustafës e japin numrat, përkatësisht votat e anëtarëve të Kuvendit të Republikës së Kosovës. Nuk mund që vullnetin politik të këtyre 65 deputetëve ta ndryshojë Gjykata Kushtetuese. Kushtetuesja është kompetente të interpretojë Kushtetutën e Kosovës, e ne këtu flasim për procedurat parlamentare, të cilat janë të rregulluara me Rregulloren e Kuvendit dhe mekanizmat parlamentarë janë përgjegjës për të interpretuar Rregulloren e Kuvendit”, thotë Avni Mazreku. /Botapress/

Më Shumë

Ndalohen mallra të falsifikuara në Vërmicë

Dogana e Kosoves ka njoftuar se gjatë një kontrolli të zakonshëm në pikën kufitare të Vërmicës, zyrtarët doganorë kanë ndaluar për kontroll një veturë...

Babai raporton zhdukjen e vajzës 15-vjeçare në Prizren

Një 15-vjeçare raportohet të jetë zhdukur në rrugën “Aziz Kelmendi” në Prizren. Rastin në Polici e ka paraqitur babai i të miturës, e që sipas...

Lajmet e Fundit