Liderët e tri partive opozitare – Visar Ymeri (Lëvizja Vetëvendosje), Ramush Haradinaj (Aleanca për Ardhmërinë e Kosovës) dhe Fatmir Limaj (Nisma për Kosovën), e nisën pak pas orës 17:30 takimin në të cilin do ta shqyrtojnë ftesën zyrtare të kryeministrit Isa Mustafa për hapjen e dialogut për tejkalimin e krizës politike në vend.
Opozita shprehu qëndrimin për ta refuzuar këtë ftesë.
Kreu i AAK-së, Ramush Haradinaj, ka deklaruar se është “është e papranueshme të behet një ftesë sot”.
“Ky propozim ka pas kuptim me 26 gusht. Sot është i thatë”, ka thënë ai, duke përsëritur se qëndrimi i tyre është të anulohet marrëveshja për Demarkacionin me Malin e Zi dhe ajo për Asociacionin e Komunave me shumicë serbe.
Takimi është mbajtur në selinë qendrore të AAK-së.