Më ka më ka marrë malli
për sheshin tim vjeshtëverdhë
ku prehet shpirti im drithërues
ku qesh mëngjesit mali
më ka më ka marrë malli
Cylen e Marash i zhurmshëm
ku plepat më panë turpshëm
kur ndejtëm aty te zalli
më ka më ka marrë malli
se vetëm aty isha i pari i pari
kur vjeshtës i zverdhte sipari
kur më joshe moj për së pari
më ka më ka marrë malli
krejt moj krejt prej halli
se isha e di edhe ti më i pari
e dije ti e dinte krejt pazari.
/Skender Berisha/