Menaxhmenti i Universitetit “Ukshin Hoti” në Prizren është duke i përcjell me shqetësim raportimet rreth arrestimit të dy profesorëve të këtij Universiteti.
“Deri në këto momente nuk kemi ndonjë njoftim zyrtar nga organet e drejtësisë për ketë çështje, përveç atyre që kemi përcjellë në medie”, thuhet në komunikatën e menaxhmentit të UPZ-së.
“Pas njoftimit zyrtar menaxhmenti dhe organet e UPZ do të trajtojnë rastin komfor dispozitave ligjore dhe statutare që janë në fuqi”.
“Përgjegjësia është individuale, ndërsa menaxhmenti në suaza të përgjegjësive ligjore i ofron bashkëpunim të plotë organeve të rendit në kryerjen e detyrave të tyre dhe zbardhjen e çfarëdo dyshimi eventual që mund të kenë”.
“Deri më tani menaxhmenti ka bashkëpunuar me organet e drejtësisë për zbardhjen e disa rasteve dhe i bënë thirrje atyre për zbardhjen e të gjitha rasteve të dyshuara për vepra penale”/PrizrenPress.com/