Hasim Mazreku, nga Komuna e Malishevës, që jeton dhe punon në qytetin Bremen të Gjermanisë, njihet si humanistë i madh.
Kësaj radhe sikur edhe më parë ai ndihmoi shumë institucione, sportive e klube të futbollit , me topa e ndërresa si dhe mjetet tjera, njëherit, ditë më parë ai solli edhe karroca për nevojat e personave me nevojat të veçanta, kurse sot , ndihmoi edhe me paterica, Qendren Kryesore të Mjekësisë Familjare “Shpëtim Robaj”, në Malishevë.
Këtë, donacion e pranuan, drejtori i Drejtorisë së Shëndetësisë dhe Mirëqenies Sociale Liridon Hoti dhe Drejtori i Qendrës Kryesore të Mjekësisë Familjare, Nuhi Morina.
Hoti dhe Morina, falënderuan, donatorin, Hasim Mazreku, për ndihmat në vazhdimësi dhe përkujdesjen për nevojat e QKMF-së, duke thënë.
“Kjo ndihmë me këto mjete do t’u shërbej qytetarëve të cilët do ta kanë nevojën e përdorimit të tyre, si dhe për institucionin kjo ndihmë është mese e duhur, në kohë të duhur, prandaj po dëshmohet se mërgimtarët tanë, kur është në pyetje vendlindja dhe qytetarët e institucionet e saja, gjithherë e kanë ndihmuar dhe do ta ndihmojnë edhe në të ardhmen”.
Kurse, Hasim Mazreku tha:
“Unë nuk po bëjë as më shumë e as më pak, veç asaj që po mundem, për qytetarët e mi dhe institucionet tona, shpresoi të mos jetë ndihma e fundit, por do të organizohem edhe më shumë në mërgim dhe do t’i dalim në ndihmë, Malishevës dhe qytetarëve tanë, në shumë kërkesa të tyre”.