23.8 C
Prizren
E diel, 21 Korrik, 2024

“Messi do të qëndrojë në Barcelonë, përveç nëse ndodh ndonjë katastrofë”

Sergio Aguero beson se bashkëlojtari i tij në ekipin kombëtar të Argjentinës, Lionel Messi, do ta vazhdojë karrierën në Barcelonës deri në pensionim, përveç nëse i ndodh ndonjë katastrofë.

Kapiteni argjentinas i Barcelonës, Lionel Messi, e ka kaluar të gjithë karrierën e tij si profesionist te klubi katalonas, përderisa ka lënë të kuptohet disa herë se mund të vendosë edhe të pensionohet në Camp Nou.

Megjithatë, Barcelona ka qenë e goditur nga disa skandale gjatë kohës së fundit, si zënkat mes drejtorëve, dhe kjo e ka vënë në pah kontratën e Messit që ia lejon argjentinasit të largohet nga Barcelona çdo verë pa asnjë cent, edhe pa dëshirën e klubit katalonas.

Për më tepër, kontrata e tij, e rinovuar për herë të fundit më 25 nëntor të vitit 2017, është e vlefshme deri më qershor të vitit të ardhshëm, por megjithatë Aguero mendon se Messi do të qëndrojë në Barcelonë.

“Leo është një lojtar që tashmë është simbol dhe legjendë e Barcelonës, por gjërat ndodhin në futboll”, ka thënë Aguero, në një intervistë të dhënë për El Chiringuito.

 

“Shumë lojtarë kanë ndryshuar për Leon dhe ai ka qëndruar në Barcelonë. Ai e dashuron klubin. Ai identifikohet me Barcelonës, është rehat dhe i lumtur atje”.

“Pa marrë parasysh se si do të rrjedhë situata, ai do to vazhdojë atje – përveç nëse ndodh ndonjë katastrofë”.

Messi i kishte shënuar 19 gola në La Liga dhe 24 në të gjitha garat në ndeshjet e këtij sezoni për Barcelonës, që është lidere e La Ligës, para se sezoni të ndërpritej shkaku i koronavirusit.

Më Shumë

Arrestohen tre persona në Suharekë, vodhën një lopë

Ditën e premte në Suharekë janë arrestuar tre persona, nën dyshimin se kanë vjedhur një kafshë. Kafsha në fjalë i është kthyer pronarit të vet. Kliko ...

Erik Rexha nga Prizreni merr medaljen e artë në Kanada

Erik Rexha 16 vjecar, i lindur e i rritur në British Columbia të Kanadasë, me prindër nga Prizreni ka marrë vendin e parë në...

Lajmet e Fundit