10.8 C
Prizren
E shtunë, 18 Maj, 2024

Mirë se vjen, U2

U2Bono e ka lënë prapa tij “bllokimin e shkrimtarëve” dhe bendi është afër ta përmbyllë albumin më të pritur të rokut në historinë e re.

Edhe pse ishte spekuluar se albumi do të lëshohet në qarkullim më 2015, pohohet se kjo do të ndodhë deri në fund të vitit, e me më së shumti gjasa në nëntor.
Madje, bendi ka mundësi që t’ia bëjë sefte materialit të ri në një prej Festivaleve të iTunes, qysh në shtator, në Londër.

“Kthimi i U2 është në rrugë të mirë të ndodhë këtë vit. Albumi ka qenë me të vërtetë një betejë e gjatë për ta fituar nga ana e tyre”, ka thënë një burim për The Sun.

“Ka marrë shumë kohë dhe Bono s’e ka pasur hiç të lehtë. Por, tash të gjithë ndjehen të bindur se ia ka vlejtur të pritet”.

Ky do të jetë albumi i parë nga The Edge, Adem Clayton, Larry Mullen dhe Bono, që prej “No Line On The Horizon” të 2009’tës.

Divat e Festivalit të iTunes janë Pharrell Williams, Kylie Minogue dhe Kasabian – ama vendet për hapje e përmbyllje endje janë të lira.

Lidhjet e U2 me Apple e bëjnë atë një zgjedhje të kuptueshme.
E n’bafshin me dalë në skenë anëtarët e U2, emrat më të mëdhenj të popit do të duken të parëndësishëm.

Më Shumë

Lajmet e Fundit