Arbër Shehu nga Kusha ka arritur të bëhet pjesë e studimit për efiktivitetin e vaksinave Pfizer dhe Moderna.
Deputeti nga radhët e Listës “Guxo”, Haxhi Avdyli ka publikuar një foto me një nga mjekët e rinj nga Kosova i cili po tregohet i suksesshëm në botë, raporton Gazeta Express.
Ai ka thënë se mjeku i ri nga Krusha e vogël, babai i të cilit është zhdukur në luftë, është bërë pjesë e studimit për efektivitetin e vaksinave Pfizer e Moderna.
Avdyli ka shkruar se Arbëri është pjesë edhe e instituteve më prestigjioze kërkimore.
“Kur e pata pirë kafen e fundit para nisjes së Arbërit për Amerikë, e dija që dr Arbëri do arrinte majat e suksesit. Arbër Shehu, student i shkëlqyer, mjek i ri nga Krusha e vogël, babain e zhdukur në luftë, para 5 viteve iku në SHBA, për të vazhduar specializimin. Si shkëlqeu këtu me studime edhe atje po shkëlqen. Tani atje është pjesë e instituteve me prestigjioze kërkimore, dhe së fundi pjesë e studimit më të perfolur për efektivitetin e vaksinave Pfizer e Moderna.Krenar që isha bashkëudhetar në një pjesë të rrugës së tij së drejtë majave të suksesit”, ka shkruar ai në rrjetin e tij social Facebook./Express/
