Një mjek i Spitalit të Prizrenit është shëruar nga Covid-19.
Lajmin e ka bërë të ditur drejtori i Spitalit, Dr. Afrim Avdaj.
Ai, tha se mjeku i shëruar pritet shumë shpejt t’i kthehet punës.
“Lajmi i mirë është se një mjek, i cili ishte infektuar me Covid-19, pas dy testimeve të fundit ka rezultuar negativ dhe presim që të na bashkohet në luftën tonë të përbashkët në luftën kundër këtij virusi”, tha Avdaj për “QendraPress”.
Spitali i Prizrenit është prekur nga COVID-19.
Disa mjekë, infermierë dhe pacientë kanë rezultuar pozitivë.
Drejtori i Spitalit, dr.Afrim Avdaj tha se pavarësisht këtyre raste, puna në këtë institucion shëndetësor po funksionon normalisht.
“Menaxhmenti i Spitalit të Prizrenit, shpreh gatishmërinë për bashkëpunim me të gjitha instancat relevante në luftën e përbashkët për ta mposhtur Covid-19’’, tha Avdaj