Ministria për Kulturë, Rini dhe Sport (MKRS), ka ndihmuar Bibliotekën komunale të Malishevës, me tituj të librave, në vlerë prej dy mijë euro. Me kwto libra wshtw pasuruar biblioteka nw Malishevw.
Përgjegjëses së bibliotekave në Malishevë, Hana Bytyçi, tha se me titujt e ri tw librave wshtw plotësuar deri në një masë edhe kërkesat e lexuesve.
“Është dërguar një projekt në MKRS, për ta ndihmuar bibliotekën në Malishevë, pasi kërkesat e lexuesve janë të mëdha dhe kanë hasur në mirëkuptim në MKRS, pasi këta të fundit e kanë përkrahur këtë projekt”, tha Bytyçi.
Sipas saj, financim në shumën prej dy mijë euro, ka mundësuar sjelljen e 192 titujve të rinj, lektyrave shkollore për arsimin e mesëm dhe atë fillor, pastaj letërsi moderne shqipe dhe botërore.
Ajo tha se kjo ka qenë kërkesë dhe nevojë e lexuesve të shumtë, që ka biblioteka dhe në një masë, janë plotësuar nevojat e tyre, përderisa pritet që fondi i librave në bibliotekë të rritet ende në të ardhmen. /PrizrenPress.com/