8.8 C
Prizren
E premte, 19 Prill, 2024

MKRS ndan çmimin për Veprën Jetësore “Azem Shkreli” dhe katër çmime tjera në fushën e letërsisë

Ministria e Kulturës, Rinisë dhe Sportit ka ndarë çmimin për Veprën Jetësore “Azem Shkreli” dhe katër çmime të tjera në fushën e letërsisë, atë për veprën më të mirë në prozë, në poezi, në kritikë letrare si dhe për veprën më të mirë të përkthyer në gjuhën shqipe, raporton Ekonomia Online.

Me këtë rast, çmimi kryesor, ai për Veprën Jetësore “Azem Shkreli”, iu nda shkrimtarit Zejnullah Rrahmani.

Ndërsa, çmimi për veprën më të mirë në prozë “Anton Pashku” iu dha Veli Karahodës për romanin “Fundi i palavdishëm i Igor Bagrickit”.

Sabit B. Bajraktari për librin “NOAH” fitoi çmimin për veprën më të mirë për poezi “Ali Podrimja”, e çmimin për veprën më të mirë në kritikë letrare dhe eseistike “Ibrahim Rugova” e mori Haqif Mulliqi për veprën “Henrik Ibsen – fryma e parë e modernes”.

Çmimi i pestë, ai për veprën më të mirë të përkthyer në gjuhën shqipe “Pjetër Bogdani” iu dha Meliza Krasniqit për përkthimin e veprës “Arti i fiksionit” të David Lodge.

Kryetari i jurisë, Osman Gashi, i cili prezantoi raportin e jurisë dhe vendimin për çmimet letrare, tha se juria ka vendosur që mos të ndajë çmimin e paraparë për veprën më të mirë për fëmijë dhe të rinj “Vehbi Kikaj”.

“Çmimin e paraparë për veprën më të mirë për fëmijë dhe të rinj “Vehbi Kikaj” juria propozon të mos e ndajë fare.”, tha Gashi

Përveç kryetarit, juria pati edhe katër anëtarë tjerë: Bardh Rugova, Rrahman Paçarizi, Gezim Aliu dhe Azem Deliu.

 

 

Më Shumë

“Kolla e keqe”, infektologu Ramadani tregon tri fazat që kalon i infektuari

Ka arritur në 14 numri i të prekurve nga sëmundja infektive Pertussis, e njohur në popull si kolli i keq. Instituti Kombëtar i Shëndetit...

Policia shqipton mbi një mijë e 300 gjoba në trafik brenda 24 orëve

Policia e Kosovës ka bërë me dije se gjatë 24 orëve të fundit ka shqiptuar 1351 gjoba në trafik. Sipas policisë, gjatë kësaj periudhe kohore...

Lajmet e Fundit