Luka Modriç këmbëngul se ai ende ndien se mund të performojë në nivelin më të lartë pavarësisht moshës së tij.
Ai thotë se lojtarët e Real Madridin duan të mbajnë këtë gjendje fituese dhe të shkojnë sa më shumë të jetë e mundur në Ligën e Kampionëve.
“Unë jam 35-vjeç, por ndihem si 27. Ndihem shkëlqyeshëm”, ka thënë Modriç. “Ju nuk duhet ta shikoni moshën, gjithçka ka të bëjë me atë se si ne performojmë në fushë, pavarësisht nga mosha. Unë jam akoma i uritur për më shumë, për të vazhduar të luaj në nivelin më të lartë dhe ndihem shkëlqyeshëm”, ka deklaruar Modriç, i cili pati një paraqitje shumë të mirë kundër Atalantës.