Alvaro Morata ka shënuar golin e vetëm për Juventusin në finalen e Kupës së Italisë ndaj Milanit, gol ky që u shënua në minutën e 111-të, pasi 90 minutat e kohës shtesë përfunduan 0:0.
Duke folur për të ardhmen pas ndeshjes, Alvaro Morata tha se po tenton të ruajë këtë formë për Euro 2016 dhe se nuk po mendon për asgjë tjetër.
Real Madridi dëshiron ta rikthejë në Santiago Bernabeu spanjollin, derisa ‘Zonja e Vjetër’, këmbëngul për ta mbajtur në ‘Juventus Stadium’.
“Kjo nuk është ndeshja ime e fundit e sezonit pasi do të luaj në Euro 2016. Më duhet të vazhdoj të bëj paraqitje të mira duke mos menduar për të ardhmen”, ka thënë Morata.
“Shokët më thanë se do të shënoj kur të hy në lojë nga banka rezervë, dhe ashtu ndodhi. Jam i lumtur që fituam edhe një trofe”, shtoi spanjolli.