“Klubi është më i madh se çdo lojtar”, kështu ka thënë Jose Mourinho, edhe pse e ka pranuar se Cristiano Ronaldo do t’i mungojë Real Madridit.
Portugezi u pyet sërish për transferimin e 33 vjeçarit te Juventusi për 100 milionë euro pas miqësores Manchester United – Real Madrid, ku “Djajtë e Kuq” triumfuan 2-1.
Përgjigja e tij ka qenë e shkurtër: “Real Madridit do t’i mungojë ai, natyrisht, por klubi është më i madh se çdo lojtar”.
Portugezi më pas foli për skuadrat, që pret diçka krejt ndryshe nga ajo që dhanë mbrëmë në fushë.
“Ky nuk ishte Real Madridi. As nuk ishte Manchester Unitedi im. Shumë lojtarë munguan. Nuk është koha të vlerësojmë asgjë. Kjo fitore do të ishte e rëndësishme në Ligën e Kampionëve, por jo sot”, shtoi ai.