Kryetari i Prizrenit Ramadan Muja, e ka vazhduar ballafaqimin e tij me gjykatën. Atë do ta gjejë të akuzuar edhe balotazhi sepse deri në fund të muajit që vjen pritet të përfundon gjykimi ndaj tij.
Për afër katër orë prokurorja e EULEX-it ka vazhduar marrjen e Mujës në pyetje duke i këkuar përgjigje se përse i anashkaloj procedurat e prokurimit kur i dha tokën në shfrytëzim fabrikës “Kamila”. Ndërsa Muja e pranoi që ky vendim ishte i paligjshëm por tha se e kishte bërë për arsye humanitare,transmeton ktv.
Kryetari I Prizrenit i cili është rikandiduar nga PDK-ja për këtë post është akuzuar nga EULEX për shpërdorim të detyrës zyrtare, ku sipas këtij misioni ky kryetar ka dhënë në shfrytëzim në dy raste pronën publike për fabrika private pa marrë vendim të kuvendit komunal.