9.8 C
Prizren
E enjte, 18 Prill, 2024

Muja habitet me investimet në Caparc dhe Skorrobisht

CaparcNë kuadër të aktiviteteve elektorale të cilat është duke i zhvilluar Dega e PDK-së në Prizren, në krye me kandidatin për kryetar të komunës së Prizrenit, Ramadan Muja, sot gjatë ditës kanë takuar strukturat dhe aktivistët e fshatit Caparc dhe Skorrobisht të Prizrenit.

Muja, gjatë fjalimit të tij në fshatin Caparc, tha se gjatë ardhjes nëpër rrugët e këtij fshati të jetë ndjerë i habitur me ndryshimet e shumta pozitive të cilat kanë ndodhur në këtë fshat

“Rruga e asfaltuar që lidhë fshatin Caparc me rrugën regjionale, qindra kilometra infrastruktura nëntokësore, shkolla e ndërtuar, i japin atributet e një fshati modern vendbanimit tuaj”.

“Ne në mandatin qeverisës do i rrisim subvencionet për fermerët e komunës sonë, që merren me bujqësi, blegtori dhe pemëtari, sepse konsiderojmë se këto veprimtari janë tejet të rëndësishëm për banorët e kësaj ane dhe në përgjithësi për komunën e Prizrenit”

“Gjithashtu jashtë vëmendjes sonë nuk do të jetë edhe ndërtimi i një qendre të mjekësisë familjare për këtë fshat, sepse konsiderojmë se shëndeti i banorëve të komunës sonë dhe mirëqenia e tyre janë dhe do vazhdojnë të jenë preokupim i yni”, tha Muja.

Bartësi i listës së kandidatëve për kuvendar të PDK-së, Nijazi Kryeziu,tha se Caparci është sinonim i mbajtjes së fjalës. “ Andaj jemi të bindur se fitorja e kryetarit Muja dhe e PDK-së në këtë fshat do të jetë e thellë me datën 3 nëntor”, tha Kryeziu.

Gjithashtu tubim elektoral është mbajtur edhe në fshatin Skorrobisht, ku qindra qytetarë në mënyrë madhështore kanë pritur kryetarin aktual dhe të ardhshëm të komunës së Prizrenit, Ramdan Muja me bashkëpunëtorë.
“Ju jeni qytetar punëtor e të palodhshëm të cilët i kontribuoni jo vetëm familjeve tuaja por edhe qytetit dhe vendit në përgjithësi.

Ne kemi synim që ta zhvillojmë komunën tonë ekonomikisht, andaj do krijojmë lokacione të shumta, ku qytetarët e komunës sonë të cilët kanë fuqi ekonomike do kenë mundësi që të investojnë kapitalin e tyre”, tha Muja./PrizrenPress.com/

 

Më Shumë

Divorci Besi-Xhensila? Habit avokati: Ata po ndahen për pasuritë e Ilir Metës, kanë vila e prona miliona euro

Avokat Idajet Beqiri teksa ka komentuar ndryshimin e stilit të jetesës së kreut të Partisë së Lirisë, Ilir Meta, ka theksuar se edhe aktori...

Lirohen qytetarët e Kosovës që u ndaluan mbrëmë nga policia serbe

Para pak çastesh, autoritetet serbe dhanë urdhër për të liruar kosovarët e ndaluar prej mbrëmë në kufirin Kroaci-Serbi. 12 autobusët e ndaluar janë nisur për...

Lajmet e Fundit