15.8 C
Prizren
E premte, 31 Maj, 2024

Muja takohet me elektoratin e tri lagjeve të Prizrenit

RamadanMuja10-5Kryetari aktual i Prizrenit, Ramadan Muja, i cili është kandidat i PDK-së në për këtë post edhe për mandatin e tretë, me bashkëpunëtorët e tij është takuar me elektoratin e tri lagjeve që gravitojnë në BL “2 Korriku” dhe me drejtues të Spitalit Rajonal të Prizrenit.

Në bisedë më qytetarët, Muja ka premtuar se bashkërisht me stafin që do ta ketë dhe me qytetarët, për interesin e të gjithë banorëve të Komunës së Prizrenit në katër vitet e ardhshme do të bëj edhe më shumë se deri më tash dhe se prioriteti do të jetë zhvillimi bujqësisë dhe mundësia sigurimit të vendeve të reja të punës, shkruan Zëri.

Kandidatët për kuvendarë Alush Shala, Fahrie Bytyçi, Lulejta Veselaj dhe Anita Hoxha paraqitën disa nga nevojat e lokaliteteve prej nga ato vijnë ato, duke premtuar se ato do të jenë në shërbim të këtyre banorëve.

Kandidati Ramadan Muja gjatë qëndrimit të tij në Spitalin rajonal në Prizren dhe në QKMF-në, ka premtuar bashkëpunim dhe mbështetje të komunës për këtë sektor të rëndësishëm për qytetarët, duke falënderuar edhe stafin udhëheqës dhe të gjithë të punësuarit për kontributin që e japin për mirëqenien shëndetësore të popullatës.

Me këtë rast, shumë të rinj të PDK-së kanë dhuruar gjak vullnetarisht, veprim ky që u bë edhe nga disa kandidatë të kësaj partie për kuvendarë.

Më Shumë

Çmimet për toke në ‘Pazarin e Shqipërisë’ në Prizren

Ndodhët në Prizren, por kjo pjesë ndryshe quhet si ‘Pazari i Shqipërisë’. Për dallim nga tregjet tjera, çmimet në këtë vend janë për tokë. Derisa një...

Arrestohet njëri nga gjashtë anëtarët e familjes Likaj për plagosjen në fshatin Gjonaj

Drejtoria Rajonale e Policisë në Prizren gjatë ditës kishte shpallur në kërkim gjashtë anëtarë të familjes Likaj nga fshati Krajk i Prizrenit për plagosjen...

Lajmet e Fundit