Kryetari i Prizrenit, Ramadan Muja, ia ka uruar fitoren kryeministrit të Turqisë, Rexhep Taip Erdogan.
“Kam kënaqësinë e veçantë në emrin tim personal dhe të qytetarëve të Komunës së Prizrenit, të cilën e drejtoj, t’iu përcjelli urimet më të përzemërta me rastin e fitores së madhe të partisë Tuaj (AKP) në zgjedhjet vendore”.
“Kjo fitore, është një garanci se vendi juaj, po ecë drejt zhvillimeve të gjithanshme dhe po bëhet një faktor gjithnjë më ndikues në përmasa globale”, thuhet në urimin e Mujës.
“Kjo fitore e rëndësishme në këto zgjedhje vendore, do të jetë një nxitje shtesë për thellimin dhe përparimin e marrëdhënieve të gjithëmbarshme bilaterale ndërmjet dy vendeve tona, Republikës së Kosovës dhe shtetit mik të Turqisë, e në veçanti për nxitjen e proceseve zhvillimore dhe investuese, nga ana e vendit tuaj në Komunën e Prizrenit, qytet i cili me shumë mburrje dhe krenari ju ka shpallur “qytetar nderi” i qytetit të Prizrenit”./PrizrenPress.com/