Në Gjykatën Themelore në Prishtinë ishte paraparë të mbahej seanca në të cilën të akuzuar janë Gazmend Mirena dhe Krenar Çoçaj, ndërsa palë e dëmtuar është Ledri Vula.
Në bazë të aktakuzës, Mirena dhe Çoçaj akuzohen për veprën penale “lëndim i lehtë trupor” ndaj Ledri Vulës.
Asdren Hoxha – avokati i të akuzuarit Gazmend Mirena, tha se seanca nuk u mbajt për arsye se pala e dëmtuar nuk u paraqit në gjykatë, përkatësisht këngëtari Ledri Vula.
Sipas avokatit Hoxha kjo nuk është hera e parë që pala e dëmtuar nuk paraqitet në seancë gjyqësore dhe për këtë arsyeje nuk po mund të vazhdohet procedura gjyqësore.
Ai tha se Ledri Vula kishe ftesë të rregullt gjyqësore por ai nuk është paraqitur në seancë.
Gjykata është detyrua prapë ta shtyjë këtë seancë në mungesë të palës së dëmtuar./Kallxo.com/