11.8 C
Prizren
E premte, 29 Mars, 2024

Mungon i akuzuari, shtyhet gjykimi për vrasjen me thikë tek “Tranziti i ri” në Prizren

Në Gjykatën Themelore në Prizren, të premten, për shkak mungesës të akuzuarit Albert Ademaj ka dështuar të mbahet gjykimi për vrasjen me thikë të të ndjerit M.K.

Kryetarja trupit gjykues, gjykatësja Raima Elezi tha se gjykata ka prova se është lëshuar urdhëresa për sjellje pranë Qendrës së Paraburgimit në Prishtinë dhe Njësitit të Transportit për të akuzuarin Ademaj.

Në këtë rast, Orhan dhe Albert Ademaj, akuzohen se më 1 maj 2020 në Prizren, saktësisht në rrugën “Ismail Kryeziu” tek i ashtuquajturi “Tranziti i ri”, në bashkëkryerje me dashje nga motivi i hakmarrjes, privojnë nga jeta tani të ndjerin M.K, raporton “Betimi për Drejtësi”.

Mbrojtësi i të akuzuarit Albert Ademaj, avokat Hajrip Krasniqi ka kërkuar që i mbrojturi i tij të transferohet në Qendrën e Paraburgimit në Prizren  për shkak të efikasitetit të kësaj procedure.

Prokurori Genc Nixha, ka kundërshtuar kërkesën e avokatit Krasniqi me arsyetimin se të akuzuarit nuk mund të qëndrojnë në një qendër paraburgimi deri në deklarimin e tyre në këtë shqyrtim kryesor për shkak që vepra penale është kryer në bashkëkryerje.

Ndërsa, mbrojtësi i të akuzuarit Orhan Ademaj, avokat Blerim Mazreku ka thënë se pretendimet e prokurorit Nixha nuk qëndrojnë, ngase të akuzuarit Ademaj kanë qëndruar në të njëjtën qendër të paraburgimit gjatë procedurës paraprake me ç’rast janë deklaruar pranë prokurorisë e që deklaratat e tyre tani janë prova të pranueshme.

Mungesa e kushteve ligjore ka bërë që kjo seancë të shtyhet, seanca e radhës është caktuar të mbahet më 21 dhjetor 2022.

Më Shumë

Osmani: Më 24 mars të ’99-ës aleancat e botës demokratike u bënë bashkë për të parandaluar shfarosjen e popullit të Kosovës

Presidentja Vjosa Osmani ka falënderuar aleancën veri-atlantike, NATO-n dhe ushtarët e saj për kontributin që kanë dhënë dhe vazhdojnë të japin për Kosovën. Sot në...

Ekspozita fotografike/ Transformimi i Hamamit të Gazi Mehmed Pashës në Prizren

Drejtori i Qendrës Rajonale për Trashëgimi Kulturore në Prizren, Samir Hoxha, ka ftuar të gjithë që të vizitojnë Hamamin e Gazi Mehmed Pashës. “Ejani dhe...

Lajmet e Fundit