37.8 C
Prizren
E premte, 19 Gusht, 2022

Murati del me njoftim: 100 eurot për punëtorët e sektorit privat dalin këtë javë

 

Ministri i Financave dhe Transfereve, Hekuran Murati ka thënë se 100 eurot për punëtorët e sektorit privat, do të dalin këtë javë në llogaritë e tyre bankare.

Ai, përmes Facebook, ka thënë ka mbetur të përfundohen procedurat e nevojshme, përpara transferimit të mjeteve.

“Tani kanë mbetur të përfundohen vetëm procedurat e nevojshme për ekzekutimin e pagesave, dhe përfituesit që janë validuar do t’i pranojnë paratë në llogaritë e tyre këtë javë”, ka shkruar Murati.

“Në mbledhjen e sotme të Qeverisë kemi ndarë 35 milionë euro buxhet, të cilat do të mundësojnë pagesën e mbështetjes së njëhershme prej 100 euro për të punësuarit e sektorit privat dhe për studentët.  Për të punësuarit, periudha e aplikimit ka përfunduar javën që shkoi, dhe komisioni deri më tani ka validuar shumicën e përfituesve që plotësojnë kriteret”, ka shkruar ai.

Ndërkohë, për studentët, Murati ka thënë se aplikimi mbetet i hapur ende.

“Për studentët ndërkaq, aplikimi është ende i hapur, dhe sapo të përmbyllet ky hap do të procedohet pagesa edhe për ta”, ka shkruar ai.

Sot, Qeveria e Kosovës ka miratuar ndarjen e 35 milionë eurove për zbatimin e masave për shtimin e mbështetjes për qytetarët e Kosovës. Nga ky vendin, punëtorët e sektorit privat me pagë mujore deri në 1000 euro bruto, do të përfitojnë shtesë 100 euro.

Në këtë mbledhje, Qeveria po ashtu ka ndarë 35 mijë euro për mbështetjen e Ministrisë së Mbrojtjes në kuadër të masës për mbështetjen e sigurisë.

Më Shumë

Barca dhe Xavi nuk pajtohen për Aubameyang

Klubi nga Londra, Chelsea, ka aranzhuar takimin e radhës këtë javë me përfaqësuesit e Pierre Aubameyang, sipas gazetarit Fabrizio Romano. Anglezët dëshirojnë të arrijnë marrëveshje...

Rahovec/ I mituri dyshohet se ka dhunuar një vajzë të mitur

Policia e Kosovës ka arrestuar në Rahovec një të mitur nën dyshimin se ka dhunuar një vajzë të mitur. Sipas njoftimit të policisë të premten,...

Lajmet e Fundit