Qeveria e Kosovës dhe ajo e Shqipërisë pritet që me nesër (3 qershor) të vazhdojnë takimeve e përbashkët derisa për këtë ditë është publikuar edhe agjenda zyrtare dhe rendin e ditës të mbledhjes së dy qeverive.
Për analistin e çështjeve politike, Imer Mushkolajn, mbledhja e Qeverisë Mustafa-Rama më shumë është marketing se sa produktive në praktikë.
“Këto mbledhje më tepër shërbejnë për përfitime politike dhe marketing të të dyja qeverive, sesa rezultojnë me efekte praktike. Mbledhjet e përbashkëta janë të nevojshme, por nuk duhet organizuar sa për të bërë fotografi e publicitet”, ka thënë ai për Indeksonline.
Megjithatë, ai thotë se duhet të bëhet një përllogaritje e mbledhjeve të kaluara për të saktësuar arritjet e marrëveshjeve.
“Nevojitet që të bëhet një evaluim i rezultateve të arritura dhe marrëveshjeve të përmbushura nga takimet e kaluara, në mënyrë që të shihet saktë se ku qëndrojnë ngecjet dhe të punohet për tejkalimin e tyre”, është shprehur Mushkolaj.
Ndryshe, dje në medie është raport se Në këtë mbledhje do të diskutohen shtatë marrëveshje.
Marrëveshja për njohjen e ndërsjellë të certifikatës së testim/kalibrim të tahografit të mjeteve rrugore,
Marrëveshja për bashkëpunim në mes autoriteteve tatimore dhe doganore të Republikës së Kosovës dhe republikës së Shqipërisë në fushën e hetimeve administrative, hetimeve tatimore dhe doganore
-Marrëveshje e bashkëpunimit ndërmjet Ministrisë së Administratës Publike të Republikës së Kosovës dhe Ministrisë së Shtetit për Inovacion dhe Administratë Publike të Republikës së Shqipërisë për ngritjen e kapaciteteve në realizimin e reformave në fushën e mirëqeverisjes dhe administrimit publik
-Marrëveshje për krijimin e Qendrës së Përbashkët trajnuese
-Marrëveshja për Partneritet për bashkëpunimin ndërkufitar ndërmjet Republikës së Kosovës dhe Republikës së Shqipërisë
-Marrëveshje e bashkëpunimit ndërmjet Ministrisë së Mjedisit dhe Planifikimit Hapësinor të Republikës së Kosovës dhe Ministrisë së Mjedisit të Republikës së Shqipërisë
-Memorandumi i bashkëpunimit ndërmjet Ministrisë së Zhvillimit Ekonomik të Republikës së Kosovës dhe Ministrisë së Energjisë dhe Industrisë së Republikës së Shqipërisë
Kjo mbledhje e cila mbahet të premten në Prishtinë, do të jetë e treta me radhë e këtij lloji, pas dy të parave të mbajtura fillimisht në Prizren, dhe më pas në Tiranë. /Indeksonline/