21.8 C
Prizren
E martë, 16 Gusht, 2022

Mustafa ka një paralajmërim për partnerët që nuk e respektojnë rendin qeverisës

Kryetari i Lidhjes Demokratike të Kosovës, Isa Mustafa, ka thënë që dialogu me Serbinë duhet të jetë më i qëndrueshëm.

Përmes një postimi në Facebook, Mustafa ka thënë që kujdes të veçantë duke të kemi që Serbia mos ta marrë vesh strategjinë tonë përmes debateve në televizione.

Ai gjithashtu ka thënë që LDK-ja do të kërkojë që Qeveria të jetë e gatshme të bëjë rikonfigurime dhe në ndryshime në çdo kohë për ata që nuk e kuptojnë rendin qeverisës dhe disiplinën qeverisëse.

Më poshtë postimi i plotë i Mustafës:

Proceset politike me të cilat po ballafaqohet vendi kërkojnë bashkëpunim dhe besim reciprok të të gjithë akterëve.

Dialogu me Serbinë për njohje reciproke, qoftë në Washington apo në Bruksel do të jetë më përmbajtësor dhe më i qëndrueshëm, nëse aksionarë të këtij dialogu janë pozita dhe opozita. Ndërkaq, strategjia e dialogut duhet të jetë çështje që diskutohet dhe formulohet nga Kryeministri dhe kabineti i tij i ngushte me partnerët e koalicionit dhe liderët e opozitës.

Pa marrë parasysh arsyen dhe nevojën e komunikimit me publikun, duhet të kemi kujdes që për strategjinë tonë të mos merr vesh Serbia përmes debateve në studiot tona televizive dhe përplasjeve të brendshme, sepse kjo në start e dëmton pozicionin dialogues të Kryeministrit tonë.

Qeverisja e vendit me prioritete luftimi i Pandemisë, rimëkëmbja ekonomike sikurse edhe dialogu për njohje reciproke, kërkon respekt institucional ndaj Qeverisë por gjithësesi edhe brenda Qeverisë. Një politikë qeverisëse dhe një zë qeverisës i bashkërenditur me Kryeministrin.

LDK do të kërkojë që Qeveria të jetë e gatshme të bëjë rikonfigurime dhe ndryshime në çdo kohë për ata që nuk e kuptojnë rendin qeverisës dhe disiplinën qeverisëse; të cilët ndjekin agjenda personale apo partiake, apo për të cilët vlerësohet se e shpenzojnë pa meritë paranë publike.

Kemi premtuar Qeveri që do të jetë efikase në punën e saj, që do ta luftojë krimin dhe korrupsionin, që do të jetë racionale dhe e përgjegjshme ndaj parasë publike. Asnjë temë tjetër s’mund të na zhvendosë nga ky përcaktim.

Më Shumë

Doarsa Kica jep dorëheqje nga Lista Guxo

Doarsa Kica-Xhelili njëra nga deputetet më aktive brenda grupit parlamentar të VV-së ka dhënë dorëheqje nga Lista Guxo, kanë bërë të ditura burime të...

Drejtori i kompanisë poston foto duke qarë pasi largoi disa punëtorë nga puna

Drejtori Ekzekutiv i Linkedin është bërë lajm  pasi postoi një selfie të tij duke qarë pas pushimeve nga puna që bëri në kompaninë e...

Lajmet e Fundit