19.8 C
Prizren
E mërkurë, 28 Shtator, 2022

Mustafa: Kryeziu do të jetë kryetar i Prizrenit

LDK-prizren10-4Kryetari i LDK-së, Isa Mustafa është shprehur i sigurt në fitoren e LDK-së dhe Eqrem Kryueziut në Prizren. Ai tha se qyteti i Prizrenit e meriton një qeverisje më të mirë. “Jam i sigurt se Eqrem Kryeziu do t’i fitojë zgjedhjet në Prizren”, tha Mustafa.

Lidhja Demokratike e Kosovës në Prizren, të premten ka hapur fushatën zgjedhore në Prizren. Tubimi është mbajtur në sheshin e qytetit “Shatërvan”. Në këtë tubim kanë marrë pjesë mijëra qytetarë dhe simpatizantë të LDK-së.

Kryetari Mustafa i ka ftuar të gjithë që të dalin në zgjedhje dhe të votojnë LDK-në dhe kandidatin për kryetar të Prizrenit, Eqrem Kryeziun. “Vota për LDK-në është votë për vetveten”, tha Mustafa.

Ai premtoi se LDK-ja me qeverisjen e mirë do të fuqizojë qytetin e Prizrenit. ”Prizreni nuk është vetëm u juaj, por i gjithë Kosovës”, tha Mustafa.

Kandidati i LDK-së për kryetar të Prizrenit, Eqrem Kryeziu i ka ftuar qytetarët që me 3 nëntor të votojnë LDK-në. Ai tha se LDK-ja është partia e vetme që në vete ka shpresën, besimin dhe dashurinë për qytetarët. “Këto janë virtytet dhe substanca e LDK-së”, tha Kryeziu. Ai premtoi se LDK-ja do të zhvillojë ekonomikisht Prizrenin. “Ju ftoj që të votoni për LDK-në dhe për të ardhmen e Prizrenit”, tha Kryeziu./PrizrenPress.com/

Më Shumë

MF pasnesër do të ekzekutojë pagesat për këtë kategori

Ministria e Financave, Punës dhe Transfereve ua rikujton të gjithë përfituesve ndryshimin e datave të pagesave. Me datë 20 janë ekzekutuar pensionet e veteranëve dhe...

Në Prizren u shënua “Java e Ndërmjetësimit”

Në Prizren është shënuar sot "Java e Ndërmjetësimit". Pjesëmarrës në këtë aktivitet ishin ndërmjetësues nga Komuna e Prizrenit, të cilët kanë informuar qytetarët lidhur me...

Lajmet e Fundit