Lideri i LDK-së Isa Mustafa ka mohuar se qëndron prapa iniciativës së nënshkrimeve të peticionit për shkarkimin e kryetarit të Degës në Prizren,Haxhi Avdyli.
Ai tha se dëshiron që kjo degë të jetë e fortë.
“ Ne nuk ndërhyjmë në çështjet e brendshme të degës. Deshirojmë që ajo të jetë e fortë dhe të ketë raporte të shëndosha dhe zgjidhjet e problemeve të bëhen në suaza të anëtarësisë”, ka thënë Mustafa.
Isa Mustafa ka marrë sot pjesë në hapjen e Zyres së re të LDK-së në Prizren.
Kryetari i Degës së LDK-së, Haxhi Avdyli, tha ndërkaq se po e përmbyllin vitin me suksese të shumta.
Ai po ashtu tha se kryeministri Isa Mustafa, gëzon përkrahje maksimale nga të gjitha strukturat e degës, për punën e mirë që po bën në qeverisjen e vendit./TVPZ/